Karibu vision lushoto

Lushoto inasifika kwa mandhari ya utulivu kimazingira, uwepo wa bidhaaa nyingi za mazao ya vyakula na biashara, utaliii unaovutia wazawa na wageni toka nchi nyingi duniani, viumbe na mimea adimu. Inajivunia uwepo wa historia na utamaduni wa wenyeji wa muda mrefu Wasambaa kwa upande wa kabila; wakiwa na Falme yao chini ya  viongozi Mbegha, Kinyashi na Mtemi Kimweri, kwenye makao yake huko Vuga mpaka mwaka 1862. Pia wamisionari wa kutoka ulaya Wajerumani, Wa-Irish ambao wameshiriki kwa kuweka mifumo ya elimu na uinjilishaji. Lushoto inatoa elimu ya msingi hadi vyuo vikuu. Chuo cha Mahakama-IJA, Chuo cha Elimu Maalum - SEKOMU, na Chuo cha Wananchi  Magamba. Elimu ya sekondari inawakilishwa na shule nyingi chini ya serikali na taasisi za kidini. Lushoto imepanuka na kuwa nyumbani kwa watanzania wote wanaoishi ama kufanya kazi.

Kijiografia ipo kwenye safu za milima ya Usambara Magharibi. Uoto wa asili vijito, milima, misitu na mabonde ni mandhari nzuri inayovutia utalii wa ndani na nje ya nchi. Misitu imekuwa mahali pa elimu/utafiti na ni zao la biashara. Mininga na Mivule ni kati ya hifadhi adimu na zawadi kwa nyanda hizi zenye karibu ya mita 1,524 toka usawa wa bahari. Safu hizi za milima zinajumuisha Usambara Mashariki ikianzia kilomita kadha  kwenye tambarare za pwani (bahari ya hindi) kuelekea Usambara Magharibi kuelekea safu za milima ya upareni na kuishia Mlima Kilimannjaro. Umbali wa safu za Usambara ni kilomita 90 na upana wa 30-50 kilomita za mraba. Hali ya hewa inastawisha miti ya mbao, mazao kama kahawa, ndizi, muhogo, miwa, matunda ya aina mbali mbali na mboga mboga za aina zote kwa wingi.

Wakati wote wa mwaka Lushoto imekuwa kimbilio la wenyeji wake walioko mikoani na wageni kufika kutembea na kujipumzisha katika utulivu wa sehemu hizi nchini Tanzania. Nyumba nzuri zipo kuwapa watu nafasi hiyo kila mmoja kwa uwezo wake kifedha. Sehemu nzuri za vyakula zinapatikana katika mji wa Lushoto. Shughuli za kitalii zaweza patikana kwa urahisi kwa mawasiliano ya kielektroniki au kwa simu.

Lugha zinazotumika zaidi ni Kiswahili, Kisambaa, Kipare, Kimbugu, Kichaga, Kiha, Kihehe, Pamoja na  Kingereza, Kijerumani na Kifaransa - kwa wageni wa lugha hizo.

Lushoto inafahamika zaidi kibiashara na kitamaduni. Historia  na utalii wake, vyenye utajiri wa kimataifa vinapata nafasi kemkem za kutangazwa. Nia ya visionlushoto ni juhudi zitakazochangia kuweka hayo na mengine kwenye uwanja mpana kwa fanaka ya siku za usoni.

https://www.tanzaniatourism.go.tz/destination/usambara-mountains

"Lushoto kumetulia sana tofauti na miji mingine. Nimefurahia sana mapumziko yangu ya mwiisho wa mwaka. Imeniletea kumbukumbu ya siku za nyuma niliposoma huku milimani" - Yosefu

"Mandhari ya Lushoto, hewa safi na joto la wastani, matunda na vyakula vya kila aina vitakufanya uipende hii sehemu. Kila mwaka mimi na ndugu zangu tumetembelea Lushoto. Wazazi wetu walitupeleka  tangu tukiwa wadogo kwenda kutembea na kujipumzisha" - Khalid

"Mimi na familia yangu 👪 tulifurahia sana muda wetu Lushoto. Watoto walifurahia safu za milima na kijani kilichokolea" - Mama Kiliani 

Vision Lushoto itatoa nafasi ya kuwakaribisha wadau wa Lushoto na wageni kupata mawasiliano na huduma nyeti katika nyanja mbalimbali.

"VL" itakupa nafasi kuita na kuunganishwa kihuduma na wadau wenyeji na wakazi, taasisi na sehemu muafaka mgeni ama mwenyeji angependa kufaidika.

https://www.tripadvisor.com/Tourism-g1152711-Lushoto_Tanga_Region-Vacations.html

http://www.nature-reserves.go.tz/fnr/magamba

TAAZIZIMIZA: 

Ni kikundi kinachoburudisha kwa nyimbo zenye maudhui ya kusifu, kuasa, kuburudisha jamii kwa lugha ya Kisambaa. Taazizimiza wamevunja rekodi ya nyimbo zilizopigwa kwa njia ya sauti Wilayani Lushoto kwa lugha ya Kisambaa mwaka 2017. Mbunifu wa kikundi hicho ni mzaliwa wa Lushoto, Kitongoji cha Kitivo kwa jina la Machambo Josephine R. Mahonge. Taazizimiza wametoa album yao katika mifumo miwili; Sauti na video. Machambo Josephine amekuwa mwimbaji wa muziki tangu akiwa Nyumbani, Shule ya Msingi, Sekondari na kwaya Kanisani kuanzia miaka ya 1980. Ndoto yake ilikuwa siku moja atengeneze kikundi kitakachoshirikisha umma sanaa hii. Mwanamuziki aliyechochea ari hiyo alimtaja kuwa Bwana Francis Sostenesi maarufu kama Sosi au Fula  wa Lushoto, kitongoji cha Mheeo (Mhelo - Kiswahili). Kipaji chake kilimvutia sana Machambo na kutamani siku moja kuwa naye kwenye jukwaa la sanaa. Taazizimiza inaundwa pia na wasanii Maria, Pili, Bomoa,aliweza kutimiza ndoto yake. Kwa sasa andalizi lingine liko mbioni. Machambo anatumaini kuamsha ari ya kutangaza tamaduni zetu, kwa kujivunia lugha na vipaji Mungu alivyotujalia.

MNCCA ni kifupi cha Milimani, Nature, Conservation and Camping Adventure.

Kikundi hiki ni wadau waasisi wa Vision Lushoto wakijishughulisha na kuitangaza Lushoto katika nyanja za utafiti kwa mimea na viumbe wanaopatikana Lushoto, kuwaunganisha watalii wa ndani na nje ya nchi kwa wadau wa Lushoto - sehemu za mapumziko, hoteli na maeneo ya utalii. Waanzilishi wa MNCCA ni wazawa wa Magamba - Lushoto, kitongoji cha Mshaimle. Waanzilishi hawa ni pamoja na 

👨‍🎓Andrew Kombo 👩‍🎓Victoria Kombo  👩‍🎓Felistas Mashui 👩‍🎓Florence Kombo 👨‍🎓Revocatus Hiza

Kwa mawasiliano au maulizo zaidi tuma barua pepe visionlushoto@gmail.com

***Muhimu: ✍👇Kopi hii ni hifadhi ya kumbukumbu ya mwaka  2011

https://meetingpointtanga.files.wordpress.com/2017/02/tanga-tourism-guide_2011.pdf

Tamaduni zetu zajivunia mavazi na uzalendo wa kimila 

Vitenge Kanga, na  vazi la Kichwani

Kwa kutumia ubunifu na talanta vazi la kitamaduni ni tanashati na maridadi 

Ni ZA kupendeza .....na maridadi 

Tuma ombi ukutanishwe na mshonaji wa vazi upendalo 

Agiza ubunifu wako wa mtindo upendao